Header AD

Hideout ng Rigen Marketing Scam, inatake

NAUKAY ug naglibog na kung unsa ang ilang buhaton sa mga miyembro sa money investment scheme nga Rigen Marketing, nga karon gitawag na og Rigen Wellness 2.0 human nga Miyerkules sa gabii, Hulyo 24, gipanghakot sa mga personahe niini ang ilang gamit sa opisina ug gihatud sa wa matinong lugar.
Sa mikatag nga hulagway nga gi-post sa usa ka netizen, suma pa, ang pagpanghakot sa opisina sa Rigen, giingong gihimo sa kabalaka nga mawala ang ilang files tungod sa giplanong grand rally sa mga investors Huwebes.

Apan mga investors sa kompaniya, nagbagulbol ug nagtuo nga basin “palabas” ra kini sa Rigen ug mo-exit na gyud sila ug biyaan ang gisaad nga pay-out sa ilang members.

Huwebes, midagsa ang gatusan ka mga investors sa Rigen sa usa ka gambalay sa may Seminary Drive sa Tagum City.

Sa Facebook post sa usa ka netizen, ang maong gambalay suma pa, maoy “hideout” sa kadagkoan sa kompaniya.

Sa paglili, suma pa, sa mga investors nakita gikan sa guwang sa gate ang sakyanan sa inahan sa CEO sa Rigen, ug ubang kagamitan sa kompaniya.

Mga tawo misuway og dasmag sa gate sa gambalay, mao nga aron mahupay ang kaguliyang, mipatunga ang mga sundalo ug pulis nga suma pa gipatawag sa mga tawong atua sa sulod sa gambalay.

Gikaitok sa mga investors ang way puas nga saad sa kompaniya nga iuli na ang ilang kuwarta.

Kahinumdoman nga Hulyo 9, gipahibalo nila nga mas “massive pay-out” sa mga investors niini, apan wa diay kini mahitabo.

Yawyaw sa mga investors nga pulos lang saad ang ilang nadawdaw sa Rigen, apan wa gyud niini tumana ang saad nga mabalik ang ilang kuwarta.

Samtang Huwebes, nag-post og opisyal nga pamahayag sa ilang Facebook page ang Rigen ug mi-esplikar sa nadelatar nga nahitabo sa pagpanghatag nila og insentibo.

Suma pa nga nalangay ang ilang paghatag sa pay-out tungod sa imbestigasyon nila sa kahiwian nga gikalambigitan sa kanhi management.

“Ngayon, ang bagong namamahala ng kompanya ay nagsasagawa ng malawakang ‘verification process’ sa Acknowledgement Receipt (ARs). Kailangan tunguhin muna ang kritikal na proseso ng verification upang malaman ng administrasyon kung tunay o peke ang mga ARs na sinumite ng kompanya mula sa dating namumuno nito,” sa ilang pamahayag nga naka-post sa Rigen Wellness 2.0 Facebook page.

Dugang pa nila; “Bukod sa verification process, kritikal ding ineembstigahan ang auditing process ng bagong administrasyon. Kailangan suriin nang maigi ang mga ganitong proseso upang malaman ang statement of cash flows. Ito ay iosang dokumento na naglalaman kung saan napunta ang perang binayad ng mga namumuhunan lalo pa’t may mga buy-ins ang hindi na-irekord ng dating administrasyon.”

Gipasalig sa Rigen nga human sa makuti nilang imbestigasyon masugdan nila ang pagbalik sa kuwarta sa mga investors.

Suma pa nga karon ang admin sa Rigen nagahatag og cash incentives sa mga primary account holders asa nakapangalan ang AR.

Dugang niini, nagdesisyon sab silang ibalik ang kapital sa mga investors sugod Agosto 15, nga himuon matag Lunes ug Huwebes.

Hideout ng Rigen Marketing Scam, inatake Hideout ng Rigen Marketing Scam, inatake Reviewed by AsianPolicy.Press on 8:01:00 PM Rating: 5

Post AD